Gulabjam in English
सर्व चकलीच्या वाचकांना नववर्षाच्या आणि गुढीपाडव्याच्या हार्दिक शुभेच्छा !!
साधारण १५ ते १८ गुलाबजाम
वेळ: साधारण १ ते सव्वा तास
साहित्य:
२५० ग्राम गुलाबजामचा खवा
साखरेचा पाक बनवण्यासाठी
दिड कप साखर
सव्वा कप पाणी
१/२ टिस्पून वेलचीपावडर
इतर साहित्य
तळण्यासाठी तेल किंवा तूप
१ टेस्पून मैदा
गरजेप्रमाणे दुध
चिमूटभर बेकिंग सोडा
कृती:
१) खव्याचा गोळा बारीक किसणीवर किसून घ्यावा. यात मैदा आणि अगदी किंचीत बेकिंग सोडा घालावा. निट मिक्स करावे. किंचीत दुध शिंपडून मळून घ्यावे. लागल्यास अगदी थोडे तूप हाताला लावून मध्यम मळावे. ओल्या कपड्याने हा गोळा झाकून ठेवावा.
२) दिड कप साखर, सव्वा कप पाणी एकत्र करून उकळत ठेवावे. एकतारी पाक करून घ्यावा. वेलचीपूड घालावी. पाक तयार होत असतानाच मळलेल्या गोळ्याचे दिड ते दोन सेमीचे गोळे बनवावे. गोळ्यांना चिर असू नये त्यामुळे तेलात टाकल्यावर गुलाबजाम फुटतात.
३) तेल व्यवस्थित गरम करून आच मध्यम (मिडीयम लो) करावी. तेलाचे तापमान तपासण्यासाठी प्रथम एक गोळा टाकावा. जर गोळा लगेच वर तरंगला तर तेल जास्त तापले आहे असे समजावे. आधी गोळा तळाला जाऊन काही सेकंदांनी तेलावर तरंगला पाहिजे. म्हणजे तेलाचे तापमान बरोबर आहे असे समजावे. मग आता जास्त गोळे तळणास सोडावेत. हे तरंगलेले गोळे अलगदपणे झार्याने गोलगोल हलवावे म्हणजे सर्व बाजूंनी एकसारखा रंग येईल. तसेच तळताना गुलाबजामवर तेल उडवावे म्हणजे निट तळले जातील. लालसर रंग आला कि तळलेले गोळे तेलातून बाहेर काढावे. व गुलाबजामची दुसरी बॅच तळून होईस्तोवर वार्यावर ठेवावी.
४) वरील पद्धतीनेच गुलाबजामची दुसरी बॅच तळण्यास सोडावी. गुलाबजाम तळावेत, बाहेर काढावेत आणि तळलेली पहिली बॅच गरम पाकात सोडावी. पाक एकदम उकळता गरम असू नये तसेच कोमटही नसावा.
गुलाबजाम पाकात किमान ५ ते ६ तास मुरवावे. शक्यतो आदल्या रात्री करून मुरवल्यास व्यवस्थित मुरतात.
टीप:
१) काही जणांना गुलाबजामला गुलाबाचा सुगंध आवडतो त्यासाठी पाकात १ ते २ थेंब रोज इसेंस घालावा.
२) जरा वेगळ्या पद्धतीने गुलाबजाम करायचे असतील तर खव्याचा गोळा वळताना लहान आकाराचे ड्रायफ्रुटचे तुकडे (काजू तुकडा, पिस्ता), खडीसाखरेचा चौकोन किंवा वेलचीचा दाणा असे गोळ्याच्या मध्यभागी घुसवून निट गोळा वळावा आणि तळावे.
३) मैद्याऐवजी आरारूट पावडर किंवा कॉर्न फ्लोर वापरले तरी चालते.
४) गुलाबजाम तळताना तेलाचे तापमान फार महत्त्वाचे असते. जास्त गरम तेल असेल तर गुलाबजामला लगेच लालसर रंग येतो पण आतून कच्चाच राहतो. आणि पाकात टाकल्यावर न शिजलेल्या भागात पाक मुरत नाही. त्यामुळे सुरूवातीला एकदोन गुलाबजाम टाकून तापमान अड्जस्ट करून घ्यावे.
५) गुलाबजामसाठीचा पाक खुप घट्ट करू नये त्यामुळे पाक गुलाबजाममध्ये निट मुरत नाही.
६) गुलाबजामसाठी वेगळा रवाळ असा खवा मिळतो तो वापरावा.
Labels:
Gulabjamun, Gulabjam, gulabjam from khoya
Email this recipe to friends and family!
12 comments
Post a Comment
Dear Readers,
Thanks for visiting Chakali.Your comments are truly valuable!
Please feel free to share your ideas, suggestion, criticism, feedback for my recipes. You can also request a recipe. I'll try to answer you as soon as possible.
If you want to write to me personally, email me at chakalionline@gmail.com.
Subscribe to:
Post Comments (Atom)
Dear Vaidehi,
Masta recipe ahe. Mala agadi aajach karayachi ahe. Pan ajun mi sarait gruhini banaleli nahiye. Krupaya sadharan kiti dudh ghalun khawa malayacha, te sangu shakal ka? Consistency kashi vhyayala hawi malalyanantar?
Itakya chan recipe baddal khoop khoop dhanyawad!
commentsathi dhanyavad,
dudh agadi thode lagel mhanje kahi chamche. ani khava agdi ghatta kiva agdi sail malu nakat madhyam mala mhanje khavyache chan gol smooth akarache gulabjam valta yetil itpat consistency havi..
hi Vaidahi
Gulabjamchi recipe vachali...250gms khavyasathi fakt 1 teaspoon maida...puresa aahe ka?
reply plz.
tnx
Hi
me 1 tablespoon maida lihile ahe (1 tablespoon = 3 teaspoon)
yapeksha jaast maida vapru naye..gulabjam chaamat hotat..ani paak murat nahi nit..
khwa ikde milat nahi ? what we can use instead of that ? please give suggestion!
thanks
Hi me lavkarach khava ghari kasa banvava yachi kruti post karen..
Vaidehi,
Mala Gulab Jamun karayche ahet pan ricotta cheese pasun tayar kelela khava gulab jamun sathi vapru shakto ani je praman tu sangitle ahes tech praman ghayche ka? Please reply.
Thanks
Shruti
gulabjam sathicha khava vegla asto, ricotta cheese chya khavyapasun me kadhi gulabjam karun pahile nahiyet.. karun baghin ani nakki kalven
hiii
me jevha pan paak karate tevdha to far patal hoto kivha far ghatta...ek tari pak kasa olkhava
Hi Poonam,
sakhar ani pani ekatra karun ukalat thevave.
tyala ukali ali ki sadharan 1 minute ukalu dyave ani nantar Angatha ani pahile bot yamadhye pakacha themb dharun donhi bote chikatavavi ani ughadun pahavi.. jar ek tar disali tar ektari pak tayar zala ase samjave..
generally mishranala ukali alyavar 1 te 1.5 minutes madhye ektari paak tayar hoto..
गुलाबजाम तळताना वितळत असल्यास काय करावे? बहुतेक खवा खूप सैल झाल्यामुळे त्यासाठी काय करावे?
प्रिया
थोडा मैदा घालून पीठ मळ. मळून मग थोड्या वेळाने गुलाबजाम कर..