साबुदाणा शेवई खीर - Sabudana Sevai Kheer

Sabudana Sevai Kheer in English २ जणांसाठी वेळ: २० मिनीटे साहित्य: १/४ कप साबुदाणा २ टेस्पून ...

Sabudana Sevai Kheer in English

२ जणांसाठी
वेळ: २० मिनीटे

sabudana kheer, sevai kheer, semai kheer, kheer recipe, payasamसाहित्य:
१/४ कप साबुदाणा
२ टेस्पून शेवया
१/२ टिस्पून तूप
३ कप दूध
१/४ कप कंडेन्स मिल्क (Sweetened)
१/४ टिस्पून वेलचीपूड
बदाम काजूचे काप आवडीनुसार

कृती:
१) साबुदाणे पाण्यात भिजवावेत. पाणी काढून टाकावे आणि झाकून ठेवावे. किमान ३ तास तरी भिजवावेत.
२) साबुदाणे भिजले कि खीर बनवण्यास घ्यावी. जाड बुडाच्या पातेलीत १/२ टिस्पून तूप मंद आचेवर गरम करून त्यात शेवया गुलाबीसर रंगावर भाजून घ्याव्यात.
३) शेवया गुलाबी झाल्या कि त्यात दुध घालावे आणि मध्यम आचेवर गरम होवू द्यावे. मधेमधे तळापासून ढवळावे म्हणजे दूध तळाला लागून करपणार नाही. शेवया थोड्याशा शिजू द्यात (साधारण ४-५ मिनीटे).
४) त्यात भिजलेले साबुदाणे घाला आणि मध्यम आचेवर उकळी येऊ द्यात. दोन-तीन मिनीटांनी कंडेन्स मिल्क, वेलचीपूड आणि बदाम काजू घाला. तळापासून ढवळत राहा म्हणजे खीर करपणार नाही.
५) साबुदाणे शिजले कि खिरीवर तरंगायला लागतात. त्यानंतर दोन-तीन मिनीटे मध्यम आचेवर उकळवून खिर सर्व्ह करावी.
हि खिर थोडी कोमट झाली कि खावी.

टीप:
१) कंडेन्स मिल्कमुळे साखर घालावी लागत नाही तसेच किंचीत दाटसरपणाही थोडा लवकर येतो. जर कंडेन्स मिल्क नसेल तर ३ ऐवजी ४ कप दूध घालावे आणि साधारण ३ ते ४ टेस्पून साखर किंवा चवीनुसार साखर घालून थोडे जास्तवेळ उकळावे.
२) या खिरीला अगदी किंचीत दाटसरपणा असतो, फार दाट किंवा फार पातळ नसते.
३) हि खीर गरमसरच खावी. थंड झाली कि फार चांगली लागत नाही कारण यातील साबुदाणा खुप जास्त फुगतो आणि खीर घट्टसर होते.
४) खीर उकळताना थोडे केशर घातले तर फ्लेवर आणि रंग फार छान येतो.

Related

Sweet 8264705635950601425

Post a Comment Default Comments

  1. Khup chaan zali kheer

    vaishali

    ReplyDelete
  2. kherr nakki karun baghen...vaidehi didi tujya sarv recepies khup chan aahe...thanks for this website..

    Ruhi

    ReplyDelete
  3. Vaidehi,
    Hi Kheer mala khup aavadate. South Indian lok asha prakarchi kheer banavatat. Mi ekda South Indian marriage attend kele hote, tevha khalli hoti. Aani tevha pasun aavadate.

    Shubhangi

    ReplyDelete

emo-but-icon

Search Recipes

Like Chakali!

item