दही शेंगदाणा चटणी - Dahi Shengdana Chutney

Dahi Shengdana Chutney in English

वेळ: ५ मिनिटे
वाढणी: ३-४ जणांसाठी

साहित्य:
३ टेस्पून भाजलेल्या शेंगदाण्याचा कूट
३ ते ४ टेस्पून दही
१ टीस्पून हिरव्या मिरच्यांची पेस्ट
१ टेस्पून कोथिंबीर, बारीक चिरून
चवीपुरते मीठ
२ चिमटी साखर (ऐच्छिक)
चिमूटभर जिरेपूड (ऐच्छिक)

कृती:
दही घुसळून घ्या. त्यात मिरची पेस्ट, कोथिंबीर, मीठ, साखर, जिरेपूड, आणि दाण्याचा कूट घालून मिक्स करावे. वाटल्यास मिक्सरमध्ये एक-दोनदा काही सेकंदच फिरवावे. आपल्याला बारीक पेस्ट व्हायला नकोय, थोडी भरडसरच असावी. पण थोडी मिळून येण्यासाठी मिक्सर वापरावा.
ही चटणी उपवासाच्या पदार्थांबरोबर (साबुदाणा थालीपीठ, साबुदाणे वडे, खिचडी) छान लागते. तसेच पोह्यांबरोबरही खायला चांगली वाटते.

टीपा:
१) दही किंचित आंबट हवे. नसल्यास काही थेंब लिंबाचा रस घालावा.
२) दही आणि शेंगदाणा कुटाचे प्रमाण कमी जास्त करू शकतो.