कडधान्याचे सॅंडविच - Sprouts Grilled Sandwich

Sprouts Grilled Sandwich in English

वेळ: २५-३० मिनीटे
वाढणी: ३ सॅंडविचेस

साहित्य:
६ ब्रेड स्लाईस
३/४ कप मोड आलेली कडधान्यं (मुग मटकी हरभरे वाटाणे)
१/२ टिस्पून चाट मसाला
१/४ टिस्पून काळं मीठ
१/२ टिस्पून लाल तिखट
पाव वाटी चिरलेली कोथिंबीर
कांद्याच्या चकत्या ३ ते ४
उकडून सोललेल्या बटाट्याच्या चकत्या ३ ते ४
कोथिंबीर मिरची पुदिना चटणी
बटर
चवीपुरते मीठ

कृती:
१) कडधान्यं व्यवस्थित वाफवून घ्यावी. गरम असतानाच ठेचून घ्यावी.
२) त्यात चाट मसाला, काळं मीठ, लाल तिखट आणि कोथिंबीर घालून मिक्स करावे. चवीनुसार मीठ घालावे.
३) ब्रेडला बटर आणि चटणी लावावी. त्यावर कडधान्याचे मिश्रण लावावे. वरून बटाटा आणि कांद्याच्या चकत्या ठेवून त्यावर दुसरा ब्रेड स्लाईस लावून  सॅंडविच बनवावे.
४) टोस्टरमध्ये ठेवून दोन्ही बाजू गोल्डन ब्राऊन होईस्तोवर टोस्ट करावे. गरमागरम सॅंडविच टॉमेटो केचप आणि हिरव्या चटणीबरोबर खावे.