उकडपेंडी - Ukadpendi

Ukadpendi in English वेळ: १५ मिनीटे वाढणी: २ जणांसाठी साहित्य: १/२ कप रवाळ कणिक ३ टेस्पून तेल...

Ukadpendi in English

वेळ: १५ मिनीटे
वाढणी: २ जणांसाठी

ukadpendi, maharashtrian recipes,breakfast recipes, snacks, quick breakfastसाहित्य:
१/२ कप रवाळ कणिक
३ टेस्पून तेल
१/४ कप कांदा, बारीक चिरून
४ ते ५ कढीपत्ता पाने
फोडणीसाठी: चिमटीभर मोहोरी, १/४ टिस्पून हिंग, १/८ टिस्पून हळद, २ सुक्या लाल मिरच्या
१/२ कप दही, घोटलेले
१/४ कप पाणी (टीप १)
चवीपुरते मिठ

कृती:
१) कढईत तेल गरम करावे. कणिक मध्यम आचेवर गुलाबीसर भाजून घ्यावी (साधारण ५ ते ७ मिनीटे). भाजलेली कणिक लहान वाडग्यात काढून ठेवावी.
२) त्याच कढईत १ टेस्पून तेल घालावे. मोहोरी, हिंग, हळद, लाल मिरच्या आणि कढीपत्ता घालून फोडणी करावी. कांदा घालून गुलाबीसर होईस्तोवर परतून घ्यावा. मिठ घालून मिक्स करावे.
३) भाजलेली कणिक घालून एक-दोन मिनीट मिक्स करावे. दही आणि पाणी मिक्स करावे आणि हे मिश्रण कढईत ओतावे. आणि पटापट मिक्स करावे. मिश्रणाचा गोळा तयार होईल. एकदम व्यवस्थित मिक्स करावे, गुठळी होवू देऊ नये. झाकण ठेवून मंद आचेवर काही मिनीटे वाफ काढावी.
कोथिंबीरीने सजवून सर्व्ह करावे.

टीपा:
१) उकड पातळ किंवा घट्ट हवी असेल त्याप्रमाणे पाण्याचे प्रमाण कमी किंवा जास्त करावे. वरील कृतीमध्ये घट्ट उकड होईल एवढे पाण्याचे प्रमाण दिले आहे. पण उकड पातळ हवी असेल तर पाणी जास्त घालावे.
२) उकड ही कच्चं तेल घालून, चांगली मळून मग खातात. त्यासाठी घट्ट उकड करावी. गरमच असताना परातीत घेऊन थोडे तेल घालून लगेच मळावी. गरम मळताना चटका बसतो म्हणून उकड मळण्यासाठी लाकडी चकती मिळते ती वापरावी. ती जर नसेल तर खलबत्त्यातील खलायचे भांडे घ्यावे. त्याच्या तळाला तेल लावून त्याने मळावी. गरम गरम उकड सर्व्ह करावी.
३) लाल मिरची ऐवजी काहीजण हिरवी मिरची किंवा लाल तिखटही वापरतात.
४) कांदा हा ऐच्छिक आहे. पण चव चांगली येते कांद्यामुळे. तसेच कांद्याऐवजी लसूण वापरता येते. अधिक पौष्टीक बनवायची असल्यास मटार, गाजराचे तुकडे, भिजवलेली मूग-मटकीही घालू शकतो.
५) ही उकड तांदूळाची, बेसनाची, ज्वारीच्या पिठाची करता येते. पद्धत हीच फक्त पिठ वेगवेगळे वापरावे. किंवा मिश्र पिठाची सुद्धा उकड बनवता येते.

Related

Snack 7787677304399404134

Post a Comment Default Comments

  1. Vaidehi Tai mala Chakali Yatil Recipes khup changalya aahait tumi chakali ya reipes che book aahai ka aasalyas please tayache nave dayve.

    From
    Supriya

    ReplyDelete
  2. hi vaidehi,daliya upma chi receipe post kar na...

    ReplyDelete
  3. receipes are very neatly described.I love your receipes thanku so much

    ReplyDelete
  4. Its superb !!!!! I tried it and was very tasty !! Thanks jibheche chochale puravalya baddal.

    Rupali

    ReplyDelete
  5. Please post recipe of pizza and toast sandwich

    ReplyDelete
  6. kanik mhanje gavhachi kanik na karan mazya sasubai tandlachi kanik vapartat plz suggest

    ReplyDelete
  7. Namaskar

    varil recipemadhye tandul kanik kiva jwari ashi pithe awadinusar vaparta yetat.
    varil recipe madhye me gavhachi kanik vaparali ahe.

    ReplyDelete
  8. this is my all time fev recipe but we use mix flour for this........thanx

    ReplyDelete
  9. Thanks Tanu for posting comment.
    Yeah, that is a good idea to add variety flours.

    ReplyDelete
  10. Hi Vaidaihi..I am shraddha here,
    Mala Ukadpendi manapasun aavdte pan banvata yet navhti tumchi recipe khup sopi va chhan aahe..nakki try karen thanks.

    ReplyDelete
  11. Raval kanik mhanaje normal gahu pith na ki jadsar have??

    ReplyDelete
    Replies
    1. sadhi kanik vaparli tari chalel. Kahijan kinchit raval dalun anatat.tyamule chavit farak padat nahi pan texture thode vegle yete. Sadhi kanik vaparli tari chalel.

      Delete
  12. Replies
    1. sadhi kanik vaparli tarihi chalel....Raval kanin mhanje kinchit bharad kanik.. tyamule chavit farak padat nahi pan thoda texture madhye farak padto.
      Generally vikatchi kanik thodishi bharad aste..

      Delete
  13. Hi Vaidehi,
    Nice recipie, thanks for posting.
    Jwari kinva itar peethanchi ukad kartana hi ti peethe adhi bhajun ghyavit ka?
    Ani pani garam vaprayche ki room temperature?
    Thanks in advance.

    ReplyDelete

emo-but-icon

Search Recipes

Like Chakali!

item