हेल्थी पावभाजी - Healthy Pav Bhaji

Healthy Pav bhaji in English


वेळ: २५ ते ३० मिनीटे
वाढणी: २ जणांसाठी

साहित्य:
१/२ कप किसलेली कोबी
१/२ कप किसलेले गाजर
१/२ कप बारीक चिरलेली फरसबी
१/२ कप बारीक चिरलेली भोपळी मिरची
१ मध्यम बटाटा, उकडलेला
२ टिस्पून लसूण, बारीक चिरून
२ टिस्पून पावभाजी मसाला
चवीपुरते मीठ
२ टेस्पून लोणी

कृती:
१) कोबी, गाजर, फरसबी आणि भोपळी मिरची एकत्र करून कुकरमध्ये वाफवून घ्यावे. वाफवलेल्या भाज्या डावेने चेचून घ्याव्यात.
२) लोणी किंवा तेल गरम करून त्यात लसूण परतावी. त्यात वाफवलेल्या भाज्या घालाव्यात. मिक्स करून पावभाजी मसाला, मीठ आणि बटाटा कुस्करून घालावा. थोडं पाणी घालून गरजेनुसार पातळ ठेवावे. मंद आचेवर शिजू द्यावे.
लादीपाव भाजून पावभाजी सर्व्ह करावी. बरोबर लिंबू आणि बारीक चिरलेला कांदाही द्यावा.