Homemade Icecream

Vanilla Icecream in English

१० स्कुप्स

साहित्य:
१/२ लिटर दूध
१/२ कप साखर
१/८ टिस्पून स्टॅबिलायजर
दिड टेस्पून जी.एम.एस. पावडर
दिड टेस्पून कॉर्न फ्लोअर
१ टिस्पून वॅनिला इसेंस
१/३ कप साय (किंवा क्रीम)

कृती:
१) दूध नेहमीप्रमाणे उकळवावे. थंड होवू द्यावे. त्यातील १ कप दूध वेगळे काढून त्यात जी.एम.एस. पावडर, कॉर्न फ्लोअर आणि स्टॅबिलायजर घालून मिक्स करावे. गुठळ्या राहू देऊ नयेत.
२) दूध परत गरम करावे (साय काढू नये, चमच्याने मोडून दुधातच मिक्स करावे). उकळी आली की पावडर मिक्स केलेले दूध हळूहळू घालून चमच्याने ढवळत राहावे. साखर घालावी. ३-४ मिनिटे उकळवावे. दूध उकळत असताना ढवळत रहावे. आच बंद करावी.
३) मिश्रण उघडेच ठेवावे आणि गार होवू द्यावे. मध्येमध्ये चमच्याने ढवळावे. प्लास्टीकच्या भांड्यात हे मिश्रण ओतून फ्रीजरमध्ये सेट करावे.
४) काही तासांनी मिश्रण घट्ट होईल. परत बाहेर काढून तुकडे करावे. शक्यतो वितळू देऊ नये. लगेच ग्राइंडरमध्ये घालावे. त्यात साय आणि वॅनिला इसेंस घालून हलके होईस्तोवर ग्राइंड करावे. हे मिश्रण प्लास्टिकच्या भांड्यात घालून झाकण लावून परत सेट करावे. गोठल्यावर आईसक्रीम खाण्यासाठी तयार होईल.