आलू बर्गर पॅटीज् - Aloo Patties for Burger

Aloo Burger Patties in English

वेळ: २५ मिनिटे
८ बर्गर पॅटीज्

साहित्य:
३ मोठे बटाटे (उकडून सोलून मॅश केलेले)
३/४ कप मटार, वाफवलेले
१ मध्यम गाजर, किसलेले
२ टीस्पून लसूण पेस्ट
१ टीस्पून हिरवी मिरची पेस्ट
१/२ टीस्पून आलं (ऐच्छिक)
१/२ टीस्पून गरम मसाला
१/४ कप ब्रेड क्रम्ज
२ टीस्पून तेल
चवीपुरते मीठ
अजून थोडे तेल / बटर पॅटीज् रोस्ट करण्यासाठी

कृती:
१) कढईत तेल गरम करावे. आले-लसूण पेस्ट आणि मिरची पेस्ट घालावी. काही सेकंद परतावे.
२) मटार आणि गाजर घालून १-२ मिनिटे मंद आचेवर वाफ काढावी. बटाटे, ब्रेड क्रम्ज आणि मीठ घालून मिक्स करावे. झाकण ठेवून २-३ मिनिटे वाफवावे. शेवटी गरम मसाला घालून मिक्स करावे.
३) मिश्रण थंड होवू द्यावे. मिश्रणाचे ८ समान भाग करावे. त्याच्या चपट्या पॅटीज् बनवाव्यात. नॉनस्टीक तव्यावर थोडे तेल घालून कमी आचेवर भाजाव्यात. आच मंद असावी. दोन्ही बाजू लालसर आणि थोड्या कुरकुरीत करून घ्याव्यात.
या पॅटीज वापरून बर्गर बनवू शकतो. तसेच या पॅटीज् नुसत्या खायलाही छान लागतात. त्यांबरोबर टॉमेटो केचप किंवा हिरवी चटणी सर्व्ह करावी.

टीपा:
१) ब्रेड क्रम्ज खूप जास्त घालू नये. त्यामुळे पॅटीज् हलके न होता घट्ट होतात. फक्त बाइंड करण्यापुरतेच ब्रेड क्रम्ज वापरावे.
२) यामध्ये जिरेपूड, चाट मसाला वगैरे घालून  आवडीनुसार फ्लेवर द्यावेत.