बेक शंकरपाळे - Baked Shankarpale

Baked Shankarpale in English

वेळ: १ तास
साधारण ४ कप भरून शंकरपाळे

बेक केल्यावर

बेक करण्याआधी

साहित्य:
दिड ते २ कप गव्हाचे पिठ (कणिक)
१/२ कप पातळ तूप
१/२ कप पिठी साखर
१/२ कप दूध
१/२ टिस्पून बेकिंग पावडर

कृती:
१) तूप आणि साखर परातीत घ्यावे. मिक्स करून मिश्रण हलके होईस्तोवर एकत्र फेसावे.
२) कणिक आणि बेकिंग पावडर एकत्र चाळून घ्यावी.
३) तूपसाखरेच्या मिश्रणात साधारण २ कप कणिक घालावी आणि दूध घालून घट्ट गोळा बनवावा.
४) पिठाचा गोळा १० मिनीट झाकून ठेवावा.
५) या १० मिनीटात ओव्हन ३०० F वर प्रिहीट करावे. बेकिंग ट्रेवर अल्यूमिनियम फॉईल पसरवून तयार करावेत.
५) मिश्रणाचे टेनिस बॉलएवढे गोळे बनवावे. किंचीत जाडसर पोळी लाटावी. शंकरपाळे कातणाने कापून तयार करावेत. बेकिंग ट्रेमध्ये ठेवून ३० ते ३५ मिनीटे बेक करावेत. प्रत्येक शंकरपाळा सेपरेट राहिला पाहिजे.
ओव्हनमधून बाहेर काढून थोडे गार होवू द्यावेत.

टीप:
१) बेकिंग पावडर न टाकताही शंकरपाळे करता येतात पण खुसखुशीत होत नाहीत. वाईट लागत नाहीत, फक्त खुसखूशीत न होता जरा कडकडीत होतात.