तिळकूट - Tilkut

Tilkut in English

वेळ: २५ मिनिटे
साधारण १ ते दीड कप चटणी


साहित्य:
१ कप कारळे तिळ
१/४ कप भाजलेले शेंगदाणे
१ चमचा लाल तिखट
१ वाटी कोरडा कढीपत्ता
चवीपुरते मिठ
१ चमचा गूळ
१ चमचा चिंच
१/४ कप किसलेले खोबरे

कृती:१) प्रथम तिळ ३-४ मिनीटे कोरडेच भाजून घ्यावे. किसलेले खोबरे खरपूस भाजून घ्यावे. भाजलेल्या शेंगदाण्यांची साले काढून टाकावी. कढीपत्ता उन्हात न वाळवता सावलीत वाळवावा व नंतर तवा थोडा गरम करून कढीपत्ता थोडा शेकवून घ्यावा म्हणजे तिळकूट टिकाऊ बनते.
२) भाजलेले कारळे तिळ, १/४ कप भाजलेले शेंगदाणे, १/४ कप भाजलेले खोबरे, १ चमचा लाल तिखट, १ वाटी कोरडा कढीपत्ता, १ चमचा गूळ, १ चमचा चिंच आणि चवीपुरते मिठ एकत्र कुटून घ्यावे किंवा मिक्सरवर बारीक करून घ्यावे.