पनीर जाल्फ्रेझी - Paneer Jalfrezi

Paneer Jalfrezi in English

वेळ: १५ मिनिटे
वाढणी: २ ते ३

साहित्य:
२०० ग्राम पनीर, उभे लांबडे तुकडे
१ कप भोपळी मिरची, पातळ काप (मी तीनरंगी भोपळी मिरच्या वापरल्या होत्या. लाल, हिरवी आणि पिवळी)
१/२ काप कांदा, उभे पातळ काप
१ मध्यम टोमॅटो, मध्यम चिरून
१ टीस्पून आलं, बारीक चिरून
२ टीस्पून लसूण, बारीक चिरून
१/८ टीस्पून हळद
२ चिमटी जिरे
१ टीस्पून धनेपूड, हलकेच भाजून भरडसर पूड करावी
रेड चिली फ्लेक्स, आवडीनुसार (मी १ टीस्पून वापरली होती)
२ चिमटी गरम मसाला
१/२ टीस्पून व्हिनेगर
चिमूटभर साखर
१ टेस्पून + १ टेस्पून तेल
चवीपुरते मीठ

कृती:
१) नॉनस्टिक पॅनमध्ये १ टेस्पून तेल गरम करावे. आच मध्यम ठेवावी. पनीर घालून कडा ब्राउन होईस्तोवर परतावे. नंतर पॅनमधून काढून प्लेटमध्ये काढून ठेवावे.
२) उरलेले १ टेस्पून तेल पॅनमध्ये घालावे. त्यात जिरे घालावे, चिरलेले आलं लसूण घालावे. हळद आणि कांदा घालावा. थोडे मीठ घालावे. कांदा मिनिटभर परतावा. टोमॅटो घालून ते मऊ होईस्तोवर परतावे.
३) आता भोपळी मिरच्या घालाव्यात आणि नीट मिक्स करावे. २ मिनिटे परतून पनीर घालावे. धनेपूड, गरम मसाला, साखर, व्हिनेगर, आणि रेड चिली फ्लेक्स घालून मिक्स करावे. लागल्यास थोडे मीठ घालावे. नीट मिक्स करून लगेच सर्व्ह करावे.
जाल्फ्रेझी भाताबरोबर सर्व्ह करावे. तसेच अपेटायझर म्हणूनही सर्व्ह करू शकतो.