नूडल्स फ्रॅंकी - Noodles Frankie

Noodles Frankie in English लहान मुलांसाठी हि रेसिपी बनवण्यापुर्वी तळटीप वाचा. वेळ: ४० मिनीटे नग...

Noodles Frankie in English

लहान मुलांसाठी हि रेसिपी बनवण्यापुर्वी तळटीप वाचा.

वेळ: ४० मिनीटे
नग: ६ ते ८ मध्यम फ्रॅंकीज

noodles frankie, chinese recipe, spicy chinese recipes, noodles, hakka noodles, frankie recipeसाहित्य:
नूडल्स स्टफिंग
१ मिडीयम नूडल्स केक (५० ते ७० ग्राम)
१ कप कोबी, पातळ उभी चिरून
१/२ कप गाजर, पातळ उभे कापून
१ लहान पाती कांद्याची जुडी
१/२ कप भोपळी मिरची, पातळ उभे काप
१ टिस्पून तेल
१ टिस्पून आले पेस्ट
१ टिस्पून लसूण पेस्ट
२ हिरव्या मिरच्या, बारीक चिरून
१ टिस्पून रेड चिली सॉस
१ टिस्पून ग्रिन चिली सॉस
१/२ टिस्पून सोयासॉस
फ्रॅंकी रॅप्स
३/४ कप मैदा
२ टेस्पून तेल
१/२ टिस्पून मिठ

कृती:
१) ४ कप पाणी उकळण्यास ठेवावे. पाणी उकळले कि नूडल्स शिजवून घ्याव्यात. नूडल्स शिजल्या कि गरम पाण्यातून काढून गार पाण्यात टाकाव्यात.
२) पॅनमध्ये १ टिस्पून तेल गरम करावे. त्यात आलेलसूण पेस्ट आणि हिरवी मिरची घालून ५ सेकंद परतावे. आता भोपळी मिरची, गाजर, कोबी घालून परतावे. लगेच रेड चिली सॉस, ग्रिन चिली सॉस, सोयासॉस आणि मिठ घालून मिक्स करावे. खुप जास्तवेळ परतू नये, नाहीतर भाज्या मऊ होतात. आता नूडल्स घालून मिक्स करावे. हे मिश्रण एका वाडग्यात काढून ठेवावे. गरम पॅनमध्ये नूडल्स तशाच ठेवल्या तर नूडल्स जास्त शिजून चिकट होतात.
३) मैदा, २ टेस्पून तेल, मिठ आणि पाणी घालून एकदम मऊ मळून घ्यावे.
४) मळलेले पिठ ६ समान भागात आणि नूडल्स ६ भागात विभागून घ्यावे. मळलेल्या पिठाची पातळसर पोळी लाटून घ्यावी. तोडे तेल घालून निट भाजून घ्यावी. १ भाग नूडल्स पोळीच्या मधे उभट पसरवावी. नंतर दोन्ही बाजू एकावर एक ठेवून फ्रॅंकी तयार करावी. कालथ्याने थोडे प्रेस करून थोडे गरम होवू द्यावे.
गरम फ्रॅंकी टोमॅटो केचपबरोबर सर्व्ह करावी.

टीप:
वरील रेसिपी लहान मुलांसाठी बनवायची असल्यास रेड चिली सॉस, ग्रिन चिली सॉस आणि हिरवी मिरची घालू नये. त्याऐवजी थोडा टोमॅटो केचप घालावा.

Related

Snack 2955649562176181000

Post a Comment Default Comments

  1. kankechy noodles banvita yetil ka? aslyas plz recipe sanga
    thanks for all nice recipes

    ReplyDelete
  2. Hi
    sadhya noodles chi recipe nahiye mazyakade.. milalyas post karen

    ReplyDelete

emo-but-icon

Search Recipes

Like Chakali!

item