मलबार कॅश्यु कोकोनट स्ट्यू - Malbar Cashew Coconut Stew

Malbar Cashew Coconut Stew in English

वेळ: २५ ते ३० मिनीटे
वाढणी: १

साहित्य:
१ कप नारळाचे घट्ट दूध
१ लहान गाजर, मध्यम तुकडे
३-४ फरसबी, मध्यम तुकडे
१ लहान बटाटा, सोलून मध्यम तुकडे
७० ग्राम पनीर, मध्यम तुकडे
५० ग्राम लाल भोपळा, लहान तुकडे
:::::मलबार मसाला::::
१ टिस्पून मिरीदाणे
१ टिस्पून लवंग
अर्धं चक्रीफुल
४-५ वेलची
३ टिस्पून बडीशेप
२ चिमटी जायपत्रीची पूड
२ चिमटी जायफळ पूड
१ दालचिनीची काडी
::::इतर साहित्य::::
१ टेस्पून बटर
१ टिस्पून आलं-लसूण पेस्ट
२ ते ३ टेस्पून कांदा, बारीक चिरून
१ टेस्पून काजू पेस्ट
चवीपुरते मीठ
तळलेले काजू सजावटीसाठी

कृती:
१) मसाल्याचे सर्व साहित्य थोडेसे भाजून घ्यावे. गार झाले की बारीक पावडर करून घ्यावी.
२) कढईत बटर गरम करावे. त्यात आले-लसूण पेस्ट आणि कांदा घालावा. मिनिटभर परतावे. नंतर बटाटा, गाजर, फरसबी घालून परतावे.
३) नारळाचे दूध आणि थोडेसे पाणी घालावे. काजू पेस्ट घालून ढवळावे.
४) भोपळा, पनीर, आणि १ चमचा मसाला घालावा. ५ ते ८ मिनिटे मंद आचेवर शिजू द्यावे. भाज्या शिजल्या की मीठ घालून आच बंद करावी.
५) स्ट्यू प्लेटमध्ये वाढावे. तळलेल्या काजूनी सजवावे. सर्व्ह करताना भाजलेला ब्राऊन ब्रेड आणि भात यांबरोबर सर्व्ह करावे.