चॉकोलेट ब्राउनी सिझलर - Brownie Sizzler

Chocolate Brownie Sizzler in English वेळ: १५ मिनिटे ४ जणांसाठी साहित्य: ४ चॉकोलेट ब्राउनीज चॉकोलेट सॉससाठी:- १ मिल्क चॉकोलेटचा बार, १...

Chocolate Brownie Sizzler in English

वेळ: १५ मिनिटे
४ जणांसाठी

chocolate brownie sizzler, sizzler recipesसाहित्य:
४ चॉकोलेट ब्राउनीज
चॉकोलेट सॉससाठी:- १ मिल्क चॉकोलेटचा बार, १/२ कप दुध
वेनिला आईसक्रीम
सिझलर प्लेट आणि त्याच्याखालील लाकडी ट्रे
ड्राय फ्रुट्स (अक्रोड आणि बदामाचे काप)

कृती:
१) चॉकोलेट सॉससाठी आधी चॉकोलेट वितळवण्याची गरज आहे. चॉकोलेटचे मध्यम तुकडे करून काचेच्या बोलमध्ये ठेवून ३० सेकंद मायक्रोवेव्ह करावे. एग बिटरने ढवळावे. गरजेप्रमाणे १०-१० सेकंद मायक्रोवेव्ह करावे. प्रत्येकवेळी ढवळून पहावे. कारण मायक्रोवेव्हमध्ये पदार्थ आतून बाहेर असे कुक होतो. गरजेपेक्षा जास्त मायक्रोवेव्ह केल्यास चॉकोलेट करपेल.
२) एकदा चॉकोलेट वितळले कि त्यात दुध घालून जोरात ढवळावे आणि गुठळ्या राहू देवू नयेत. थोडे थोडे दुध घालावे आणि मिक्स करावे. स्मूथ आणि चकचकीत असा सॉस बनेस्तोवर फेटावे. (सॉस जितका पातळ हवा असेल त्याप्रमाणे दुध जास्त-कमी करावे.)
३) ब्राउनिज जर गर असतील तर १० ते १५ सेकंद मायक्रोवेव्ह कराव्यात. म्हणजे थोड्या कोमट होतील.
४) सिझलर प्लेट गॅसवर गरम करावी. व्यवस्थित गरम होवू द्यात. पक्कडीने काळजीपूर्वक हि प्लेट लाकडी ट्रे मध्ये ठेवावी. मधोमध ब्राउनिज ठेवाव्यात. प्रत्येक ब्राउनीवर एकेक स्कूप वेनिला आईसक्रीम घालावे. आणि वरून चॉकोलेट सॉस घालावा. हा सॉस सिझलर प्लेटवर ओघळला पाहिजे. म्हणजे तो छान सिझल होईल. वरून अक्रोड बदामचे तुकडे घालून गर्निश करावे आणि लगेच सर्व्ह करावे.

कसे खावे? - चमच्यात आईसक्रीम + ब्राउनी + चॉकोलेट सॉस हे तीन्हीचे छोटे चंक्स घेउन खावे.

टीपा:
१) चॉकोलेट सॉस सिझलर प्लेटवर चिकटू नये म्हणून प्लेट गरम करताना त्यावर अल्युमिनम फॉइलचा तुकडा ठेवावा. आणि त्यावर मग ब्राउनी, आईसक्रीम आणि चॉकोलेट सॉस घालावा.
२) चॉकोलेट ३० सेकंद मायक्रोवेव्ह केल्यावर तुम्ही नोटीस कराल कि बाहेरून चॉकोलेट वितळले नाहीये. पण ढवळल्यावर लक्षात येईल कि आतून चॉकोलेट मेल्ट व्हायला लागले आहे. म्हणून पहिली ३० सेकंद मायक्रोवेव्ह केल्यावर, ढवळून गरजेनुसार १०-१० सेकंद मायक्रोवेव्ह करावे. आणि प्रत्येकवेळी ढवळून चेक करावे.
३) खाताना काळजीपूर्वक खावे. सिझलर प्लेटवर जो सॉस आहे तो प्रचंड गरम असतो. आणि जीभ पोळू शकते. म्हणून सॉस कितपत गरम आहे ते चेक करूनच खावे.

Related

Sweet 2687872490172107936

Post a Comment Default Comments

  1. Hi Vaidehi.. Is there any replacement to sizzler plate? Thanks - Kavita

    ReplyDelete
  2. Hi Vaidehi.. Is there any replacement to sizzler plate? Thanks - Kavita

    ReplyDelete
  3. Sizzler plate is essentially heavy cast iron plate. If you done have it, use small tawa made of iron. The important this is it should remain hot for some time so that you get a sizzling effect and feel the melting chocolate due to the heat.

    ReplyDelete
  4. hi vaidehi please, chocolate kase banavatat te post kar na.............

    ReplyDelete
  5. plz mala veg cookies chi recipe havay

    ReplyDelete
    Replies
    1. Soyabean wheat flour nankatai - yamadhye tumhi vatalyas soyabean and wheat flour aivaji maida vaparu shakta... baki sarv kruti tashich. - http://chakali.blogspot.in/2010/12/soyabean-wheat-flour-nankatai.html

      Oatmeal cookies - http://chakali.blogspot.in/2011/01/oatmeal-cookies.html

      Delete

emo-but-icon

Search Recipes

Like Chakali!

item