लिंबाचे टिकाऊ सरबत - Limbu sarbat

Lemon Juice in English वेळ: साधारण २५ मिनीटे साधारण ३ कप लिंबाचे टिकाऊ सरबत (यातून साधारण २०-२२ जणांना लिंबाचे सरबत बनू शकेल)

Lemon Juice in English


वेळ: साधारण २५ मिनीटे
साधारण ३ कप लिंबाचे टिकाऊ सरबत (यातून साधारण २०-२२ जणांना लिंबाचे सरबत बनू शकेल)

homemade lemonade, limbache sarbat, gharguti limbache sarbat, summer drink, limbu sarbat
साहित्य:
१ कप लिंबाचा रस (साधारण १२ मोठी रसाची लिंबं)
अडीच कप साखर
३/४ कप पाणी
२ टिस्पून मिठ

कृती:
१) लिंबाचा रस गाळून घ्यावा म्हणजे बिया आणि लिंबाचा किंचीत राहिलेला गर निघून फक्त लिंबाचा रस उरेल.
२) अडीच कप साखर आणि ३/४ कप पाणी एका पातेल्यात एकत्र करावे. गोळीबंद पाक करावा (महत्त्वाची टिप).
३) पाक तयार झाला कि गॅस बंद करावा. तयार पाकात लिंबाचा रस घालून ५ मिनीटे ढवळावे. नंतर जरा निवेस्तोवर अधूनमधून ढवळावे.
४) तयार लिंबू सरबत काचेच्या बाटलीत भरून फ्रिजमध्ये ठेवावा.
लिंबाचे सरबत करताना १ ग्लासभर लिंबाचे सरबत बनवायचे असल्यास, एका ग्लासमध्ये २ मोठे चमचे लिंबाचा पाक घालावा, गार पाणी घालावे आणि मिक्स करावे. मिठाची गरज लागल्यास किंचीत मिठ घालावे. तसेच बर्फही घालू शकतो.

टीप:
१) लिंबाच्या सरबतात चिमूटभर वेलचीपूड घातली तरी छान फ्लेवर येतो.
२) गोळीबंद पाक म्हणजे पाकाचा थेंब गार पाण्यात टाकल्यावर टणक गोळी तयार झाला पाहिजे. पण लिंबू सरबताला मऊसर गोळी (Soft Ball Consistency) तयार झाली तरीही चालेल.

Labels:
Lemon Juice, Homemade Lemonade, limbu sarbat

Related

Marathi 2671637247613236366

Post a Comment Default Comments

  1. वा! छान रेसिपी सांगितलीत.

    ReplyDelete
  2. majhi aai he sarbat karaychi
    just she used to add saindhav meeth or kala namak in to it

    ReplyDelete
  3. हे कॉन्सन्ट्रेट सरबत फ्रिजमधे किती दिवस टिकू शकेल?

    ReplyDelete
  4. धन्यवाद कांचनताई, गायत्री

    गायत्री: चांगली आयडीया आहे..

    कांचन ताई: हे सरबत concentrate फ्रिजमध्ये ३-४ महिने सहज टिकते.

    ReplyDelete
  5. ३ ते ४ महिने टिकतं! मग तर बरंच झालं. ऐनवेळेस सर्व्ह करण्यासाठी चांगलं घरगुती सरबत मिळालं. या माहितीसाठी खूप आभार वैदेही.

    ReplyDelete
  6. वैदेही,

    लिंबू सरबत बनवले. छानच झाले आहे. या रेसिपीसाठी पुन्हा एकदा आभार.
    अशाच प्रकारे कोकम सरबत कॉन्सन्ट्रेटची रेसिपी देऊ शकाल का?

    ReplyDelete
  7. नमस्कार कांचन,

    लिंबू सरबत बनवलेत आणि आठवणीने कमेंट पोस्ट केलीत त्याबद्दल धन्यवाद
    कोकमाचे सरबत जनरली रातांब्याच्या (कोकम फळ) आतील गरापासून बनवतात, पण जर शक्य असेल तर मी सुकवलेल्या कोकमापासून बनवून पाहिन, पाककृती निट जमली तर नक्की पोस्ट करेन.

    ReplyDelete
  8. chhan! gharat nemaki khoop limb ali ani hi recipe milali. thanks alot

    ReplyDelete
  9. वैदेही, रातांब्यांचे कोकम सरबत जरा वेळखाऊ काम आहे ;-) म्हणजे, साखर आणि गराचे लेयर्स दादरा बांधून ठेवायचे इ. तसं हल्लीच्या घरांमधे जागेच्या अपुरेपणामुळे करता येत नाही. शिवाय शुचिताही बाळगावी लागते. जर सुक्या कोकमांच्या सिरपची पाकृ देता आली तर खूप बरं होईल. धन्यवाद.

    सजेशन्समधे एक कमेंट लिहिते आहे.

    ReplyDelete
  10. कांचन
    बरोबर आहे आणि इथे अमेरीकेत कुठे मिळायचे रातांबे :) मी ट्राय करून पाहिन सुक्या कोकमापासून, चांगली कल्पना आहे.

    ReplyDelete
  11. छान आहे रेसीपी...ह्या सरबतासारखे संत्र्याचे पण सरबत करता येइल का?

    ReplyDelete
  12. नमस्कार मिनाक्षी

    संत्र्याचे सरबत नक्की पोस्ट करेन.

    ReplyDelete
  13. धन्यवाद
    बाजारात महागडी सिरप घेण्यापेक्षा हे खूप चांगल आहे.

    Aparna, Pune.

    ReplyDelete
  14. heloo अपर्णा
    नक्कीच, आणि चवीलाही खुप छान लागते.

    ReplyDelete
  15. hello vaidehi , khup chagale recipes aahet .

    ReplyDelete
  16. thanks!!! nice recepie
    alka

    ReplyDelete
  17. khup chaan thank you

    ReplyDelete
  18. kiti simple :)wow..Summer season saathi tar Best !! :) aaj lagech try karnaar aahe mi...

    ya sarbat madhe jar - 1 Question:
    Aawala, Ginger he add karayach asel tar ????

    Please recipe asel tar post karavi :):) Dhanyawad taai....

    ReplyDelete
  19. ho chalel.. avalyacha ras ani alyacha ras ase thoda thoda add kar limbu rasabarobar.

    ReplyDelete
  20. mazi aai limbu rasat sakhar mix karun te unhat thewat ase...

    ReplyDelete
  21. sarabat tikanyasthi changla upay ahe.

    ReplyDelete
  22. मस्तच रेसिपी आहे.
    ह्या बाटलीबंद सरबतात सोडा घालून फ्रेश लैइम सोडा मस्त लागतो.
    आम्ही हॉटेलात साखरेचा गोळीबंद पाक व ताजा लिंबाचा रस टाकून बनवायचो.
    पण ही कल्पना अफलातून आहे. म्हणजे पाकात लिंबाचा रस

    ReplyDelete
  23. Hi Ninad,

    thanks for comment. he sarbat khup chan lagate. ani fresh lime soda mastach.

    ReplyDelete
  24. वैदेही ताई धन्यवाद माझ्या छोट्याश्या धंद्यासाठी आपली ही रेसेपी महत्वपुर्ण ठरतीये

    ReplyDelete
  25. Thanks Vaidehi. Mast zale maze limbu sarbat. Sagalyana khup avadale.

    ReplyDelete
  26. Without fridge kiti divas tikate

    ReplyDelete

emo-but-icon

Search Recipes

Like Chakali!

item